اولپنڈی (HRNW): پاکستان تحریک انصاف (پی ٹی آئی) کی جانب سے 27 ستمبر کو اسلام آباد مارچ کے اعلان کے بعد راولپنڈی ڈویژن میں پارٹی کے 106 کارکنان کو نظر بند کر دیا گیا ہے۔
پولیس ذرائع کے مطابق نظر بند کیے گئے کارکنان کو 30 روز کے لیے اڈیالہ جیل منتقل کیا گیا ہے۔ ذرائع کا کہنا ہے کہ نظر بندی کی کارروائی ڈسٹرکٹ انٹیلیجنس کمیٹی کی سفارش پر کی گئی، جبکہ احکامات 3 ایم پی او کے تحت جاری کیے گئے۔
پولیس کے مطابق راولپنڈی ڈویژن کے مختلف اضلاع سے مجموعی طور پر 106 پی ٹی آئی کارکنان کو حراست میں لے کر نظر بند کیا گیا ہے۔
دستیاب اعداد و شمار کے مطابق راولپنڈی سے 31، اٹک سے 35، چکوال سے 23، جہلم سے 13 جبکہ واہ کینٹ سے 4 کارکنان کو نظر بند کیا گیا ہے۔
پی ٹی آئی نے 27 ستمبر کو اسلام آباد کی جانب مارچ کرنے کا اعلان کر رکھا ہے، جس کے پیشِ نظر انتظامیہ اور پولیس کی جانب سے سکیورٹی اور انتظامی اقدامات کیے جا رہے ہیں۔
HRNW کی اپیل:
ذمہ دار اور آزاد صحافت کے فروغ کے لیے HRNW کو سپورٹ کریں: Support HRNW
ڈسکلیمر:
یہ خبر پولیس ذرائع اور فراہم کردہ معلومات کی بنیاد پر مرتب کی گئی ہے۔ نظر بندی سے متعلق مزید سرکاری تفصیلات یا عدالتی احکامات سامنے آنے کی صورت میں خبر کو اپ ڈیٹ کیا جا سکتا ہے۔
