نیویارک (ایچ آراین ڈبلیو) عالمی بینک کی نئی رپورٹ میں کہا گیا ہے کہ کم اور درمیانی آمدنی والے ممالک میں ہر 4 میں سے 3 افراد اب ایسے گھرانوں میں رہتے ہیں جو یا تو سماجی تحفظ کی منتقلی سے مستفید ہوتے ہیں یا شراکت کے ذریعے سماجی تحفظ تک رسائی حاصل کرتے ہیں۔ رپورٹ کے مطابق عالمی بینک کی جاری کردہ ’اسٹیٹ آف سوشل پروٹیکشن رپورٹ 2025‘ میں انکشاف کیا گیا ہے کہ پچھلی دہائی کے دوران، کم اور درمیانی آمدنی والے ممالک نے ریکارڈ 4.7 ارب افراد کا احاطہ کرنے کے لیے سماجی تحفظ کو وسعت دی ہے جو معمولی بات نہیں ہے، تاہم کوریج میں ریکارڈ اضافے کے باوجود کم اور درمیانی آمدنی والے ممالک میں اب بھی 1.6 ارب افراد کو سماجی تحفظ تک رسائی حاصل نہیں ہے۔سماجی تحفظ کی ڈھال کو وسعت دینے کے لیے ان 2 ارب لوگوں خاص طور پر غریب ممالک میں احاطہ کرنا جو یا تو کوریج سے محروم ہیں یا ان کی کوریج ناکافی ہے، اس کے لیے بلاشبہ یا تو ملکی آمدنی بڑھا کر یا بیرونی فنانسنگ کے ذریعے مالیاتی وسائل کو بڑھانے کی ضرورت ہوگی۔ اس کا مطلب ہے کہ سماجی تحفظ کی مالیاتی ضروریات مالیاتی پالیسی اصلاحات کے لیے مرک
