کراچی(ایچ آراین ڈبلیو)ڈی جی ایف آئی اے رفعت مختارراجہ کی ہدایت پر حوالہ ہنڈی اور غیر قانونی کرنسی ایکسچینج میں ملوث نیٹ ورکس کے گرد گھیرا تنگ کردیا-ایف آئی اے کارپوریٹ کرائم اور اینٹی کرپشن سرکل کراچی کی بڑی کاروائیاں جاری ہیں-
حوالہ ہنڈی اور غیر قانونی کرنسی ایکسچینج میں ملوث 3 ملزمان گرفتارہوگئے-گرفتار ملزمان میں محمد یوسف، عبدالقادر اور محمود علی شامل ہیں-ملزمان کو سلطان روڈ اور کلفٹن سے گرفتار کیا گیا-ملزمان کو رقم کی ترسیل کرتے ہوئے رنگے ہاتھوں گرفتار کیا گیا-ملزمان سے مجموعی طور پر 76 لاکھ 95 ہزار روپے سے زائد برآمد ہوئے-
ملزمان سے مجموعی طور پر 5 موبائل فونز بھی برآمد-ملزمان حوالہ ہنڈی اور غیر قانونی کرنسی ایکسچینج میں ملوث ہیں-ملزمان برآمد ہونے والی کرنسی کے حوالے سے حکام کو تسلی بخش جواب نہ دے سکے-ملزمان کو گرفتار کر کے تفتیش کا آغاز کر دیا گیا ہے-
