لاہور(ایچ آراین دبلیو)ڈی جی ایف آئی اے رفعت مختار راجہ کی ہدایت پر حوالہ ہنڈی اور غیر قانونی کرنسی ایکسچینج میں ملوث نیٹ ورکس کے گرد گھیرا تنگ کردیا گیا-ایف آئی اے کمرشل بینکنگ سرکل کوئٹہ کی بڑی کاروائیاں جاری ہیں- حوالہ ہنڈی اور غیر قانونی کرنسی ایکسچینج میں ملوث 3 ملزمان گرفتارہوگئے-
گرفتار ملزمان میں محمد عمر، لعل محمد اور عبدالولی شامل ہیں-ملزمان کو کوئٹہ سے گرفتار کیا گیا-ملزمان سے مجموعی طور پر 17 لاکھ روپے برآمد ہوئے-ملزمان غیر قانونی کرنسی ایکسچینج میں بھی ملوث تھے-ملزمان سے 4 موبائل فونز اور حوالہ ہنڈی سے متعلق پیغامات، رجسٹرز اور دیگر شواہد بھی برآمد کر لیے گئے-
ملزمان برآمد ہونے والی کرنسی کے حوالے سے حکام کو تسلی بخش جواب نہ دے سکے-ملزمان کو گرفتار کر کے تفتیش کا آغاز کر دیا گیا ہے-
