سرگودھا(ایچ آراین ڈبلیو)شاہپور کے علاقے میں ایک مبینہ واقعے کے بعد پولیس اور سی سی ڈی نے کارروائی کرتے ہوئے متعدد افراد کو گرفتار کر لیا ہے۔
اطلاعات کے مطابق ایک کالج وین ڈرائیور پر الزام ہے کہ اس نے ایک طالبہ کے ساتھ مبینہ طور پر زیادتی کی۔ بعد ازاں واقعے سے متعلق ویڈیوز سوشل میڈیا پر وائرل ہوئیں جس کے بعد علاقے میں کشیدگی پیدا ہو گئی۔
پولیس کے مطابق ویڈیوز وائرل ہونے اور معاملہ سامنے آنے کے بعد ملزمان کے خلاف کارروائی کی گئی اور مختلف افراد کو حراست میں لیا گیا ہے۔ حکام کا کہنا ہے کہ واقعے کی مکمل تحقیقات جاری ہیں اور تمام پہلوؤں کا جائزہ لیا جا رہا ہے۔
پولیس نے شہریوں سے اپیل کی ہے کہ وہ افواہوں اور غیر مصدقہ معلومات پھیلانے سے گریز کریں اور قانونی عمل کو آگے بڑھنے دیں۔
