راولپنڈی(ایچ آراین ڈبلیو) راولپنڈی میں گھر سے 29 لاکھ روپے چوری کرنے والی گھریلو ملازمہ کو پولیس نے اس کے ساتھی سمیت گرفتار کر لیا۔ پولیس کے مطابق چوری کا مقدمہ 2 مئی کو تھانہ نیو ٹاؤن میں درج کیا گیا تھا، جس کے بعد تفتیش کے دوران اہم پیش رفت سامنے آئی۔
راولپنڈی پولیس** کے مطابق زیرِ حراست ملزمہ اپنے والدین کے ہمراہ سرونٹ کوارٹر میں رہائش پذیر تھی۔ تفتیش کے دوران ملزمہ نے اپنے ساتھی کے ساتھ مل کر چوری کی واردات میں ملوث ہونے کا اعتراف کر لیا۔
پولیس کا کہنا ہے کہ ملزمان سے مزید تفتیش جاری ہے جبکہ مسروقہ رقم کی برآمدگی کے لیے بھی اقدامات کیے جا رہے ہیں۔ حکام کے مطابق واقعے میں ملوث دیگر پہلوؤں کا جائزہ لیا جا رہا ہے اور قانونی کارروائی مکمل کرنے کے بعد ملزمان کو عدالت میں پیش کیا جائے گا۔
