کراچی، پاکستان (ایچ آراین ڈبلیو) — کراچی میں کیماڑی پولیس نے گٹکا مافیا کے خلاف ایک ہی روز میں دوسری بڑی کارروائی کرتے ہوئے 19 مقدمات میں مطلوب اور اشتہاری و مفرور ملزم کو گرفتار کر لیا۔
پولیس کے مطابق گرفتار ملزم کاشف ولد یوسف کو تھانہ سعید آباد پولیس نے خفیہ اطلاع پر حب ریور روڈ کے علاقے سے گرفتار کیا۔
ملزم کے بارے میں بتایا گیا ہے کہ وہ کیماڑی کے علاقے میں گٹکا اور ماوا کا غیر قانونی نیٹ ورک چلا رہا تھا۔ پولیس کے مطابق ملزم کافی عرصے سے گرفتاری سے بچ رہا تھا اور مسلسل روپوش تھا۔
حکام نے مزید بتایا کہ ملزم کا نام مطلوب گٹکا ڈیلرز کی فہرست میں شامل تھا اور اس کے خلاف متعدد انٹیلی جنس رپورٹس بھی موصول ہو چکی تھیں۔ وہ چار مقدمات میں اشتہاری اور دو مقدمات میں مفرور بھی تھا۔
پولیس ریکارڈ کے مطابق ملزم کے خلاف جیکسن تھانے میں منشیات، امن عامہ اور دیگر دفعات کے تحت متعدد مقدمات درج ہیں جبکہ بوٹ بیسن تھانے میں بھی کیسز موجود ہیں۔ بعض مقدمات کا تعلق 2018 سے ہے جو اس کے طویل مبینہ کریمنل ریکارڈ کی نشاندہی کرتے ہیں۔
گرفتار ملزم کے خلاف تھانہ سعید آباد میں مقدمہ نمبر 147/26 درج کر کے مزید تفتیش شروع کر دی گئی ہے۔
—
**حمایتی اپیل (Support Appeal):**
ہیومن رائٹس نیوز ورلڈ وائیڈ (HRNW) دنیا کا پہلا انسانی حقوق پر مبنی نیوز پلیٹ فارم ہے۔ آزاد، غیر جانبدار اور معیاری صحافت کے فروغ کے لیے آپ کی معاونت نہایت اہم ہے۔
مزید معلومات اور تعاون کے لیے وزٹ کریں:
[https://www.hrnww.com/?page_id=1083](https://www.hrnww.com/?page_id=1083)
