پشاور: ایف آئی اے اینٹی کرپشن سرکل (ACC) پشاور اور واپڈا کی سرویلنس اینڈ انٹیلی جنس (S&I) ٹیم نے خفیہ اطلاع پر مشترکہ کارروائی کرتے ہوئے ملک آباد، نوشہرہ کلاں میں ایک مشتبہ مقام پر چھاپہ مارا۔
ایف آئی اے کے مطابق کارروائی کے دوران مشتبہ مقام کی تلاشی لی گئی، جہاں سے لاکھوں روپے مالیت کی مبینہ چوری شدہ سرکاری پیسکو املاک برآمد کرلی گئیں۔
برآمد ہونے والے سامان میں:
200 کے وی کا مکمل بجلی کا ٹرانسفارمر
بڑی مقدار میں ہائی ٹینشن (HT) اور لو ٹینشن (LT) کیبلز
کراس آرمز اور بریسز
بجلی کے گرڈ سے متعلق دیگر قیمتی سامان
شامل ہے۔
حکام کے مطابق برآمد شدہ سرکاری املاک کو قانونی تقاضے مکمل کرنے کے بعد سرکاری تحویل میں لے لیا گیا، جبکہ موقع پر سامان کی تفصیلی انوینٹری اور ریکوری میمو بھی تیار کیا گیا۔
واقعے میں ملوث عناصر اور سرکاری املاک کی چوری کے پسِ پردہ ممکنہ نیٹ ورک سے متعلق مزید قانونی کارروائی اور تحقیقات جاری ہیں۔
ڈس کلیمر: چوری شدہ املاک سے متعلق الزامات کی حتمی قانونی حیثیت تحقیقات اور عدالتی کارروائی کے بعد طے ہوگی۔
