**کراچی (ایچ آراین ڈبلیو)** – کراچی کے نوجوان **میر رضا** کی پراسرار موت کے معاملے میں پولیس نے تحقیقات کا دائرہ وسیع کر دیا ہے اور مختلف پہلوؤں سے شواہد اکٹھے کیے جا رہے ہیں۔
پولیس ذرائع کے مطابق واقعے کی رات میر رضا تقریباً صبح **4 بجے آن لائن ٹیکسی کے ذریعے روانہ ہوا**۔ پولیس کو حاصل ہونے والی سی سی ٹی وی فوٹیج میں مبینہ طور پر دیکھا گیا ہے کہ میر رضا اپنی دکان پر پہنچا، جہاں سے اس نے دکان کے گارڈ کا رکھا ہوا پستول دراز سے نکالا اور روانہ ہو گیا۔
پولیس کے مطابق دکان بند کرتے وقت گارڈ پستول وہیں رکھ کر جاتا تھا اور مذکورہ پستول اسی گارڈ کے نام پر رجسٹرڈ ہے۔
سی سی ٹی وی فوٹیج کے مطابق میر رضا **گلستان بلاک ون، یونیورسٹی روڈ کے قریب نرسری کے جھاڑیوں اور قدرے بلند مقام کی جانب جاتا ہوا دکھائی دیتا ہے**، جبکہ اس وقت وہ اکیلا تھا۔
پولیس نے بتایا کہ میر رضا کا آئی فون یونیورسٹی روڈ پر کام کرنے والے مزدوروں سے برآمد کر لیا گیا ہے۔ پولیس مقتول کے سفر کے روٹ میپ کی تیاری کے ساتھ مختلف پہلوؤں سے تحقیقات کر رہی ہے۔
پولیس کے مطابق **50 سے زائد موبائل نمبرز** کی چھان بین جاری ہے، جبکہ آن لائن ٹیکسی ڈرائیور، مقتول کے کاروباری پارٹنر اور دیگر متعلقہ افراد کے بیانات بھی قلمبند کیے جا چکے ہیں۔ پولیس نے میر رضا کی منگیتر کو بھی بیان ریکارڈ کرانے کے لیے طلب کیا ہے۔
ابتدائی معلومات کے مطابق میر رضا کو صرف **ایک گولی سینے پر لگی** جو جسم کے آرپار ہو گئی، اور یہی موت کی وجہ بنی۔ پولیس کے مطابق لاش ڈی کمپوز ہونا شروع ہو چکی تھی، جبکہ فرانزک تجزیے کے لیے خون کے نمونے بھی حاصل کر لیے گئے ہیں۔
پولیس کا کہنا ہے کہ تحقیقات جاری ہیں اور مزید شواہد سامنے آنے کے بعد صورتحال مزید واضح ہو سکے گی۔
**مزید انسانی حقوق، جرائم اور قومی و عالمی خبروں کے لیے ملاحظہ کریں:**
[https://www.hrnww.com](https://www.hrnww.com)
**HRNW کی حمایت کریں:**
[https://www.hrnww.com/?page_id=1083](https://www.hrnww.com/?page_id=1083)
**اہم ہدایت (Important Note):**
یہ خبر پولیس ذرائع اور ابتدائی تحقیقات پر مبنی ہے۔ واقعے کی مکمل حقیقت تفتیش اور فرانزک نتائج سامنے آنے کے بعد واضح ہوگی۔ HRNW غیرجانبدار، مستند اور حقائق پر مبنی صحافت کے اصولوں پر کاربند ہے۔
