ییلو لائن بی آر ٹی کرپشن کیس میں اہم پیش رفت، نیب کراچی نے تحقیقات شروع کر دیں

**کراچی (ایچ آراین ڈبلیو)** – بی آر ٹی **ییلو لائن منصوبے** میں مبینہ مالی بے ضابطگیوں کے معاملے پر اہم پیش رفت سامنے آئی ہے، جہاں صوبائی اینٹی کرپشن کے بعد اب **قومی احتساب بیورو (نیب) کراچی** نے بھی تحقیقات شروع کر دی ہیں۔

نیب ذرائع کے مطابق ییلو لائن منصوبے میں مبینہ طور پر کی گئی **ساڑھے 8 ارب روپے کی ایڈوانس ادائیگیوں** کا جائزہ لیا جا رہا ہے۔

ذرائع کے مطابق **چیئرمین نیب** نے ڈی جی نیب کراچی کو تحقیقات کے لیے ہدایات جاری کر دی ہیں، جس کے تحت بی آر ٹی ییلو لائن منصوبے میں ہونے والی ایڈوانس ادائیگیوں، ان کے استعمال اور منصوبے پر ہونے والے کام کا تفصیلی جائزہ لیا جائے گا۔

نیب ذرائع کا کہنا ہے کہ تحقیقات میں یہ دیکھا جائے گا کہ ایڈوانس ادائیگیوں کے بعد منصوبے پر کون سے کام مکمل کیے گئے اور کون سے کام نہیں کیے گئے۔

واضح رہے کہ بی آر ٹی ییلو لائن کیس میں سابق **پروجیکٹ ڈائریکٹر ضمیر عباسی** گرفتار ہیں۔ انہیں صوبائی اینٹی کرپشن حکام نے لاہور سے گرفتار کیا تھا۔

ذرائع کے مطابق اینٹی کرپشن عدالت نے ضمیر عباسی کی ضمانت مسترد کر دی تھی، جبکہ اینٹی کرپشن کی جانب سے تحقیقات جاری ہیں تاہم مقدمے کا چالان تاحال جمع نہیں کروایا جا سکا۔

ضمیر عباسی پر مبینہ طور پر ییلو لائن منصوبے میں **ساڑھے 8 ارب روپے کی ایڈوانس ادائیگیوں** سے متعلق الزامات عائد کیے گئے ہیں۔

🤝 **دنیا کی نمبر 1 ہیومن رائٹس نیوز ایجنسی HRNW کو سپورٹ کریں**
👉 [https://www.hrnww.com/?page_id=1083](https://www.hrnww.com/?page_id=1083)

⚠️ **اہم ہدایت (Important Note)**
یہ خبر نیب اور اینٹی کرپشن ذرائع سے موصول ہونے والی ابتدائی معلومات پر مبنی ہے۔ HRNW (hrnww.com) کسی بھی فرد پر عائد الزامات کی آزادانہ تصدیق نہیں کرتا۔ تمام ملزمان کو عدالت کے حتمی فیصلے تک قانوناً بے گناہ تصور کیا جاتا ہے۔