سکھر(ایچ آراین ڈبلیو)تھانہ ایئرپورٹ کی حدود سٹی پوائنٹ بائی پاس کے قریب ڈکیتی کی واردات کے دوران موٹرسائیکل سوار ملزمان نے پیٹرول پمپ مالک کو نشانہ بنا لیا۔
ابتدائی اطلاعات کے مطابق ملزمان نے مبینہ طور پر پیٹرول پمپ مالک نیاز بگٹی سے رقم چھیننے کی کوشش کی اور مزاحمت پر فائرنگ کر دی، جس کے نتیجے میں دو افراد شدید زخمی ہو گئے۔
رقم سے متعلق تضاد
رپورٹس میں رقم کے حوالے سے مختلف دعوے سامنے آئے ہیں، ایک جانب 60 کروڑ روپے جبکہ دوسری جانب 60 لاکھ روپے چھیننے کی بات کی جا رہی ہے۔
زخمی افراد
فائرنگ کے نتیجے میں
نیاز بگٹی (پیٹرول پمپ مالک)
وارث میمن
شدید زخمی ہوئے جنہیں فوری طور پر نجی اسپتال منتقل کر دیا گیا ہے۔
سکھر پولیس کے مطابق واقعے کی تحقیقات جاری ہیں اور ملزمان کی تلاش کے لیے چھاپے مارے جا رہے ہیں۔
