کراچی (ایچ آراین ڈبلیو) **گڈاپ** میں ایک بنگلے سے نوجوان کی لاش برآمد ہوئی ہے، جسے اہلِ علاقہ نے **مشکوک قرار دیتے ہوئے مکمل تحقیقات** کا مطالبہ کیا ہے۔
پولیس کے مطابق **متوفی نوجوان کا نام رستم** ہے، جس کی عمر تقریباً **17 سال** بتائی جا رہی ہے۔ وہ **تھر کا رہائشی** تھا اور گزشتہ **چھ ماہ سے بنگلے پر ملازم** تھا۔
پولیس کا کہنا ہے کہ **بنگلے کے مالکان** نے واقعے کو **خودکشی** قرار دیا ہے، تاہم **اہلِ علاقہ اور مقتول کے رشتہ داروں** نے اس مؤقف سے اختلاف کرتے ہوئے **مالکان پر قتل کا الزام** عائد کیا ہے۔
پولیس نے **جائے وقوعہ سے شواہد اکٹھے** کر لیے ہیں اور مختلف پہلوؤں سے **تحقیقات کا آغاز** کر دیا ہے۔ حکام کا کہنا ہے کہ واقعے کے **اصل محرکات جاننے کے لیے تفتیش** جاری ہے۔
