کراچی(ایچ آراین ڈبلیو) اسپیشل برانچ اور ریلوے پولیس کی مشترکہ کارروائی میں شیرشاہ عالمگیر چوک کے ایک کباڑخانے سے سرقہ شدہ ریلوے کا قیمتی میٹریل برآمد ہوا ہے اور ایک ملزم کو گرفتار کر لیا گیا ہے۔
واقعے کے مطابق، اسپیشل برانچ کے اے ایس آئی محمد خان کو خفیہ اطلاع موصول ہوئی کہ شیرشاہ عالمگیر چوک کے ایک کباڑخانے میں چوری کا ریلوے میٹریل موجود ہے۔ اس اطلاع پر تھانہ ریلوے پولیس کے ایس ایچ او محمد رمضان نے فوری کارروائی کرتے ہوئے موقع پر پہنچ کر کباڑخانے کی تلاشی لی۔
برآمدشدہ میٹریل:
8 عدد سیمنٹی سلیپر اینگلز (تقریباً ساڑھے تین فٹ لمبے)
1 عدد سیمنٹی سلیپر اینگل (تقریباً 2 فٹ لمبا)
سیمنٹی سلیپرز میں استعمال ہونے والا لوہے کا سریا (33 کلوگرام)
کارروائی کے دوران موقع پر موجود بہادر نامی شخص نے خود کو کباڑخانے کا مالک بتایا، جسے فوری طور پر گرفتار کر لیا گیا۔ برآمد شدہ ریلوے میٹریل کو تحویل میں لے کر ملزم کے خلاف تھانہ ریلوے پولیس میں مقدمہ درج کر لیا گیا ہے۔
یہ کارروائی سرکاری املاک کی حفاظت اور چوری کے واقعات کی روک تھام کے حوالے سے پولیس کی کارکردگی کا کامیاب عمل ہے۔
