کراچی (ایچ آراین ڈبلیو) متحدہ قومی موومنٹ (ایم کیو ایم) پاکستان نے سندھ کے شہری علاقوں کے حل کے لیے عدالتی راستہ اپنانے کا فیصلہ کیا ہے۔ پارٹی چیئرمین ڈاکٹر خالد مقبول صدیقی کی ہدایت پر مرکزی دفتر بہادرآباد میں ہونے والے اہم اجلاس میں قانونی چارہ جوئی کی حتمی حکمت عملی طے کی گئی۔
اجلاس میں لیگل ایڈ سیل، گریجویٹ فورم، مرکزی رہنماؤں اور منتخب نمائندوں نے شرکت کی۔ ترجمان کے مطابق، “شہریوں کے بنیادی مسائل جیسے پانی، بجلی، صفائی اور نقل و حمل کے حل کے لیے عدالتوں کا دروازہ کھٹکھٹایا جائے گا۔” انہوں نے بتایا کہ جلد ہی شہری تنظیموں اور اہم شخصیات کو اس مہم میں شامل کیا جائے گا۔
یہ فیصلہ ایم کیو ایم کی شہری حقوق کی جدوجہد میں ایک نئے باب کا آغاز ہے، جس کا مقصد سندھ کے شہری علاقوں میں عوامی مسائل کے حل کے لیے قانونی دباؤ بڑھانا ہے۔
————————————-
ایچ آراین ڈبلیو کی اپیل:
ہم عوام تک غیر جانبدار اور سچی خبریں پہنچانے کے لیے پرعزم ہیں۔ اگر آپ بھی معیاری صحافت کو فروغ دینا چاہتے ہیں، تو براہ کرم ہمارے ساتھ جڑیں۔ آپ کا عطیہ ہمیں حقائق کی روشنی پھیلانے میں مدد دے گا۔
سچائی کی تحریک میں شامل ہوں۔ عطیہ دیں۔
ویب سائٹ:hrnww.com/donate
