**لاہور (ایچ آراین ڈبلیو)** – وفاقی تحقیقاتی ادارے (**FIA**) کے اینٹی کرپشن سرکل لاہور نے پاسپورٹ ایجنٹ مافیا کے خلاف کارروائی کرتے ہوئے **2 پاسپورٹ آفس ملازمین اور 10 ایجنٹس کو گرفتار** کر لیا ہے۔
ایف آئی اے لاہور کے ترجمان کے مطابق کارروائیاں **گارڈن ٹاؤن، شاہدرہ اور ہربنس پورہ کے پاسپورٹ دفاتر** کے باہر کی گئیں، جہاں گرفتار افراد مبینہ طور پر شہریوں سے پاسپورٹ بنوانے کے نام پر غیر قانونی طور پر اضافی رقم وصول کر رہے تھے۔
ایف آئی اے حکام کے مطابق ملزمان شہریوں کو فوری پاسپورٹ بنوانے کا جھانسہ دے کر زائد رقم وصول کرتے تھے۔ گرفتار افراد کا تعلق لاہور کے مختلف علاقوں سے بتایا گیا ہے۔
ترجمان کے مطابق کارروائی کے دوران ملزمان کے قبضے سے **پاسپورٹ ٹوکن، بینک چالان، رسیدیں اور دیگر اہم دستاویزی شواہد** برآمد کیے گئے ہیں۔
ایف آئی اے نے تمام گرفتار افراد کو حراست میں لے کر مزید تحقیقات شروع کر دی ہیں، جبکہ غیر قانونی سرگرمیوں میں ملوث دیگر افراد کے خلاف بھی کارروائی جاری رکھنے کا عندیہ دیا گیا ہے۔
🤝 **دنیا کی نمبر 1 ہیومن رائٹس نیوز ایجنسی HRNW کو سپورٹ کریں**
👉 [https://www.hrnww.com/?page_id=1083](https://www.hrnww.com/?page_id=1083)
⚠️ **اہم ہدایت (Important Note)**
یہ خبر ایف آئی اے کے ترجمان اور دستیاب معلومات پر مبنی ہے۔ HRNW (hrnww.com) گرفتار افراد پر لگائے گئے الزامات کی آزادانہ تصدیق نہیں کرتا۔ تمام ملزمان کو قانون کے مطابق اس وقت تک بے گناہ تصور کیا جائے گا جب تک عدالت میں جرم ثابت نہ ہو جائے۔
