**جھنگ (ایچ آراین ڈبلیو)** – جھنگ کے علاقے **الزید ٹاؤن** میں ایک افسوسناک واقعہ پیش آیا، جہاں پولیس کے مطابق ایک شخص نے مبینہ طور پر خاتون سے شادی کی خواہش کے باعث اس کے **ایک سالہ بچے احسن کو تشدد کرکے قتل کر دیا**۔
پولیس کے مطابق واقعے کا مقدمہ درج کر لیا گیا ہے جبکہ ملزم **محمد اسلم** کے خلاف قانونی کارروائی جاری ہے۔
پولیس کا کہنا ہے کہ مقتول بچے کی والدہ محنت مزدوری کے لیے گھر سے باہر گئی ہوئی تھی اور اس نے بچے کو ملزم کے پاس چھوڑا تھا۔
ابتدائی معلومات کے مطابق بچے کی والدہ کو طلاق ہو چکی تھی اور ملزم مبینہ طور پر اس سے شادی کرنا چاہتا تھا۔ پولیس کے مطابق خاتون کا تعلق **بتی چوک لاہور** سے ہے اور وہ ملزم کے ساتھ جھنگ میں رہائش پذیر تھی۔
پولیس کے مطابق ملزم خاتون کا رشتہ دار بھی ہے اور اس نے خاتون کو رہائش کے لیے مکان کرائے پر لے کر دیا ہوا تھا۔
واقعے کی مزید تحقیقات جاری ہیں، جبکہ پولیس نے شواہد جمع کرکے قانونی کارروائی کا آغاز کر دیا ہے۔
🤝 **دنیا کی نمبر 1 ہیومن رائٹس نیوز ایجنسی HRNW کو سپورٹ کریں**
👉 [https://www.hrnww.com/?page_id=1083](https://www.hrnww.com/?page_id=1083)
⚠️ **اہم ہدایت (Important Note)**
یہ خبر پولیس کے ابتدائی بیان اور دستیاب معلومات پر مبنی ہے۔ HRNW (hrnww.com) ملزم پر عائد الزامات کی آزادانہ تصدیق نہیں کرتا۔ کسی بھی شخص کو عدالت کے فیصلے تک قانوناً بے گناہ تصور کیا جاتا ہے۔
