اسلام آباد(ایچ آراین ڈبلیو)اینٹی نارکوٹکس فورس (اینٹی نارکوٹکس فورس) نے ملک بھر میں منشیات اسمگلنگ کے خلاف کارروائیاں کرتے ہوئے 6 مختلف آپریشنز میں ایک خاتون سمیت 7 مشتبہ افراد کو گرفتار کر لیا۔
ترجمان کے مطابق کارروائیوں کے دوران مجموعی طور پر 22.88 کلوگرام منشیات برآمد کی گئی، جس کی مالیت 17 لاکھ روپے سے زائد بتائی جا رہی ہے۔
تعلیمی اداروں کے اطراف کارروائیاں
اے این ایف کے مطابق مختلف شہروں میں تعلیمی اداروں کے قریب کارروائیوں کے دوران:
اٹک جی ٹی روڈ کے قریب ایک موٹر سائیکل سوار سے 1.8 کلو چرس برآمد
سیالکوٹ پیرس روڈ کے قریب 670 گرام چرس برآمد
راولپنڈی آئی جے پی روڈ کے قریب دو ملزمان سے 600 گرام چرس، 2 گرام کوکین اور 10 ایکسٹیسی گولیاں برآمد
گرفتار ملزمان نے مبینہ طور پر تعلیمی اداروں کے طلبہ کو منشیات فروخت کرنے کا اعتراف بھی کیا۔
بین الصوبائی کارروائی
جامشورو ٹول پلازہ کے قریب کارروائی میں ایک خاتون سے 12 کلو چرس برآمد کی گئی، جسے گرفتار کر لیا گیا۔
دیگر کارروائیاں
کراچی سہراب گوٹھ کے قریب ایک مشتبہ شخص سے 6 کلو چرس برآمد ہوئی جبکہ اٹک چائنہ چوک کے قریب ایک گاڑی سے 1.8 کلو چرس ضبط کر کے ملزم کو گرفتار کر لیا گیا۔
تمام گرفتار افراد کے خلاف انسداد منشیات ایکٹ 1997 (CNSA-1997) کے تحت مقدمات درج کر کے مزید تفتیش شروع کر دی گئی ہے۔
