حیدرآباد (ایچ آراین ڈبلیو) بی سیکشن تھانے کی حدود میں رہائشی ایک لڑکی نے اپنے چچاؤں کی زیادتیوں کے خلاف احتجاج کرتے ہوئے مدد کی اپیل کی ہے۔
متاثرہ لڑکی کے مطابق اس کے چچاؤں نے گھر پر قبضہ کر رکھا ہے اور اسلحے کے زور پر دھمکیاں دے رہے ہیں، جبکہ پولیس اس معاملے پر کوئی کارروائی نہیں کر رہی۔
لڑکی نے بتایا کہ اس نے متعدد بار پولیس کو شکایات درج کروائیں، مگر بی سیکشن پولیس نے تاحال کوئی عملی قدم نہیں اٹھایا۔
اس نے الزام لگایا کہ چچاؤں نے گھر پر قبضہ کر کے وہاں اپنا مویشی باندھ رکھا ہے، جس کی وجہ سے وہ اور اس کا خاندان کھلے آسمان تلے رہنے پر مجبور ہیں۔
متاثرہ لڑکی نے **ڈی آئی جی** اور **ایس ایس پی عدیل چانڈیو** سے فوری نوٹس لینے اور انصاف فراہم کرنے کا مطالبہ کیا ہے۔
