اسلام آباد (ایچ آراین ڈبلیو)، وزیراعظم شہباز شریف نے مکہ مشترکہ دفاعی معاہدے پر امریکی صدر ڈونلڈ ٹرمپ کی جانب سے حمایت کے اظہار کا خیرمقدم کیا ہے۔
وزیراعظم شہباز شریف نے سماجی رابطے کی ویب سائٹ ایکس پر امریکی صدر ڈونلڈ ٹرمپ کی پوسٹ کا جواب دیتے ہوئے کہا کہ مکہ مشترکہ دفاعی معاہدے پر صدر ٹرمپ کے حمایت کے الفاظ کو قدر کی نگاہ سے دیکھا جاتا ہے۔
وزیراعظم نے کہا کہ پاکستان، برادر ملک سعودی عرب اور جمہوریہ ترکیہ کے ساتھ مل کر اپنے ممالک سمیت پورے خطے کے دفاع اور سلامتی کو یقینی بنانے میں تعمیری کردار ادا کرتا رہے گا۔
انہوں نے کہا کہ علاقائی امن، سلامتی اور استحکام کے لیے باہمی تعاون اور مشترکہ کوششیں جاری رہنی چاہئیں۔
امن اور انسانی حقوق کا پہلو:
ایچ آراین ڈبلیو کے مطابق علاقائی دفاعی تعاون کا بنیادی مقصد امن، استحکام اور شہریوں کے تحفظ کو یقینی بنانا ہونا چاہیے۔ ریاستوں کے درمیان دفاعی معاہدوں کے ساتھ ساتھ سفارتی ذرائع، مذاکرات اور بین الاقوامی قوانین کی پاسداری بھی خطے میں دیرپا امن کے لیے ضروری ہے۔
Support HRNW: انسانی حقوق، امن، شہریوں کے تحفظ، علاقائی استحکام اور قومی و بین الاقوامی امور سے متعلق آزاد اور ذمہ دار صحافت کے فروغ کے لیے Human Rights News Worldwide (HRNW) کو سپورٹ کریں۔
ڈس کلیمر: یہ خبر وزیراعظم شہباز شریف کے سماجی رابطے کی ویب سائٹ ایکس پر جاری بیان کی بنیاد پر مرتب کی گئی ہے۔ معاہدے کی تفصیلات اور اس کے عملی اثرات سے متعلق مزید سرکاری معلومات سامنے آنے پر خبر کو اپ ڈیٹ کیا جاسکتا ہے۔
