اسلام آباد(ایچ آراین ڈبلیو)چیئرمین پی سی بی محسن نقوی نے حارث رؤف کا جرمانہ اپنی ذاتی جیب سے ادا کرنے کا فیصلہ کیا ہے۔محسن نقوی خود یہ رقم برداشت کریں گے۔ یاد رہے کہ بھارت کے خلاف میچ کے دوران قومی فاسٹ باؤلر نے چھ گیندوں پر مسلسل چھ رنز نہ بننے دینے کے بعد جہاز گرنے کا اشارہ کیا تھا، جس پر بھارتی بورڈ نے آئی سی سی کو شکایت کی۔ نتیجتاً آئی سی سی نے حارث رؤف پر میچ فیس کا 30 فیصد جرمانہ عائد کیا اور ساتھ ہی وارننگ بھی جاری کی۔
دوسری جانب قومی کھلاڑی صاحبزادہ فرحان پر کوئی جرمانہ نہیں لگایا گیا، تاہم بیٹ کو بندوق کی طرح لہرانے پر انہیں محض وارننگ دی گئی۔ آئی سی سی نے دونوں کھلاڑیوں کو لیول ون جرم کا مرتکب قرار دیا۔
