غزہ (ایچ آراین ڈبلیو) خبر رساں ادارے روئٹرز نے رپورٹ کیا ہے کہ ٹرمپ انتظامیہ نے اسرائیل کو 20,000 سے زیادہ امریکی ساختہ اسالٹ رائفلز کی فروخت کو حتمی شکل دے دی ہے، ان خدشات کے باوجود کہ وہ مقبوضہ مغربی کنارے میں اسرائیلی آباد کاروں کے ہاتھوں میں جا سکتی ہیں۔
اس کھیپ کو پہلے بائیڈن انتظامیہ نے آباد کاروں کے استعمال پر خدشات کی وجہ سے روک دیا تھا۔
6 مارچ کو، امریکی محکمہ خارجہ نے 24 ملین ڈالر کے معاہدے کے بارے میں کانگریس کو باضابطہ طور پر مطلع کیا، جس میں واضح کیا گیا کہ کولٹ کاربائن 5.56 ملی میٹر مکمل خودکار رائفلوں کی کھیپ اسرائیلی نیشنل پولیس کے لیے تھی۔
