ڈیرہ غازی خان (ایچ آر این ڈبلیو): پولیس نے جسم فروشی کے دو اڈوں پر چھاپے مار کر 4 مرد اور 11 خواتین کو گرفتار کر لیا۔ تھانہ گدائی پولیس نے منی ہوٹل اور خان ہوٹل پر ہونے والی کارروائی کے دوران جسم فروشی کی مد میں لی جانے والی رقم بھی برآمد کی۔
تفصیلات کے مطابق، پولیس کو قابل اعتماد معلومات پر دونوں مقامات پر چھاپے مارے گئے، جہاں ملزمان معاشرتی برائیوں میں ملوث پائے گئے۔ گرفتاریوں کے بعد تمام ملزمان کے خلاف مقدمات درج کر کے مزید تفتیش شروع کر دی گئی ہے۔
پولیس ترجمان کے مطابق، “یہ کارروائی معاشرتی برائیوں کے خلاف جنگ کا حصہ ہے۔ پولیس جرائم اور ایسی غیر قانونی سرگرمیوں کے خلاف بلا امتیاز کارروائیاں جاری رکھے گی۔ عوام کو پرامن ماحول فراہم کرنا ہماری اولین ترجیح ہے۔”
پولیس نے عوام سے اپیل کی ہے کہ ایسی کسی بھی غیر قانونی سرگرمی کی معلومات فوری طور پر متعلقہ حکام تک پہنچائیں تاکہ بروقت کارروائی کی جا سکے۔
