اسلام آباد(ایچ آراین ڈبلیو) پورے چاند کے شوقین اپریل میں آسمان پر گلابی چاند کے حسین مناظر سے لطف اندوز ہو سکیں گے۔ ماہرین فلکیات کے مطابق برطانیہ میں آج شام چاند نارنجی رنگ کا دکھائی دے سکتا ہے، جبکہ کل شب 3 بج کر 12 منٹ پر گلابی چاند اپنے عروج پر پہنچے گا۔
فلکی ماہرین کا کہنا ہے کہ گلابی چاند کا یہ نظارہ مکمل طور پر صاف آسمان کے حالات پر منحصر ہے، اور دیکھنے کے لیے شہر کے کم روشنی والے علاقوں کا انتخاب بہتر رہے گا۔ شائقین فلکیات اور فوٹوگرافروں کے لیے یہ موقع یادگار اور منفرد تصور کیا جا رہا ہے۔
