اسلام آباد(ایچ آراین ڈبلیو)وزیراعظم محمد شہبازشریف نے لکی مروت میں پولیس گاڑی کے قریب ہونے والے دہشتگرد حملے کی شدید مذمت کی ہے۔
وزیراعظم نے شہید ہونے والے ایس ایچ او اور دیگر پولیس اہلکاروں کے لیے دعائے مغفرت کی اور لواحقین کے لیے صبر و استقامت کی دعا کی۔ انہوں نے زخمی ہونے والے اہلکاروں کی جلد صحتیابی کے لیے بھی دعائیں کیں۔
اپنے بیان میں وزیراعظم نے کہا کہ پولیس اہلکاروں اور سیکیورٹی فورسز کی قربانیاں ہرگز رائیگاں نہیں جائیں گی اور حکومت ملک سے دہشتگردی کے مکمل خاتمے کے لیے پرعزم ہے۔
وزیراعظم نے مزید کہا کہ ملک کے ہر حصے میں سیکیورٹی فورسز کی قربانی اور عزم دہشتگرد عناصر کے منصوبوں کو ناکام بنانے میں اہم کردار ادا کرے گا۔
یہ واقعہ ملک میں بڑھتے ہوئے سیکیورٹی چیلنجز کی یاد دہانی بھی ہے اور حکومت نے عوام کو یقین دلایا ہے کہ وہ ہر ممکن اقدام کر کے دہشتگردی کے خلاف مؤثر کارروائیاں جاری رکھے گی۔
