راولپنڈی/اسلام آباد(ایچ آراین ڈبلیو) مذہبی جماعت کے ممکنہ احتجاج کے پیش نظر جڑواں شہروں راولپنڈی اور اسلام آباد میں دوسرے روز بھی زندگی کے معمولات بری طرح متاثر ہیں۔ مرکزی شاہراہیں بند ہونے کے باعث شہریوں کو شدید مشکلات کا سامنا ہے۔
شہر کے اہم ترین رابطہ راستے جیسے ایکسپریس وے، فیض آباد انٹرچینج، اور آئی جی پی روڈ مکمل طور پر بند ہیں۔ اس کے علاوہ کھنہ پل، کری روڈ اور ڈھوک کالا خان کے راستے بھی عوام کے لیے کھلنے کا انتظار کر رہے ہیں۔
راستوں کی بندش کے باعث تجارتی سرگرمیاں تقریباً معطل ہیں۔ دفاتر، کاروباری مراکز اور مارکیٹیں بھی متاثر ہوئے بغیر نہیں رہیں۔ شہریوں کو دفتروں، اسکولوں اور ہسپتالوں تک پہنچنے میں شدید دشواریوں کا سامنا ہے۔
حکام کا کہنا ہے کہ صورتحال کے معمول پر آنے تک حفاظتی اقدامات جاری رہیں گے۔ عوام سے درخواست ہے کہ وہ غیر ضروری سفر سے گریز کریں اور احتیاطی تدابیر اپنائیں۔
