لاہور(ایچ آراین ڈبلیو)وزیراعلیٰ پنجاب مریم نواز شریف کی زیر صدارت خصوصی تعلیم کے حوالے سے ہونے والے اہم اجلاس میں متعدد کلیدی فیصلے کیے گئے۔
اہم فیصلے اور اقدامات:
پنجاب میں پہلی بار مختصر ترین مدت میں 5,000 سے زائد خصوصی بچوں کے داخلے کا نیا ریکارڈ قائم کیا گیا۔
مریم نواز آٹزم سکول میں غریب بچوں کو مکمل مفت تعلیم اور تھراپی فراہم کی جائے گی۔
آٹزم کے شعبے میں دنیا بھر سے بہترین ماہرین کی خدمات حاصل کرنے کا فیصلہ۔
خصوصی بچوں کو ہمّت کارڈ پروگرام میں شامل کرنے کی منظوری۔
سپیشل ایجوکیشن مراکز کے لیے 48 نئی بسیں فراہم کرنے کی منظوری۔
آٹزم سکول کے لیے یونیفارم اور ڈیزائنز کی منظوری دی گئی۔
مریم نواز آٹزم سکول کی نمایاں خصوصیات:
یہ پاکستان کا پہلا آٹزم سکول ہوگا جہاں 3 سے 16 سال تک کے بچوں کو داخلہ ملے گا، اور وہ 22 سال کی عمر تک تعلیم و علاج حاصل کر سکیں گے۔
دنیا بھر کے کامیاب ثبوت پر مبنی آٹزم ماڈلز پر مشتمل ایک کسٹمائزڈ ہائبرڈ ماڈل نافذ کیا جائے گا۔
سکول میں اوپن جم، سنسری گارڈن، ساؤنڈ تھراپی سینٹرز اور سی سی ٹی وی کیمرے قائم کیے جائیں گے۔
بچوں کے والدین کے لیے کوچنگ ماڈیولز تیار کیے گئے ہیں۔
اساتذہ کی جدید تربیت اور ریسرچ کے لیے ریسرچ اینڈ ٹیچر ٹریننگ ڈویژن قائم کیا جائے گا۔
وزیراعلیٰ مریم نواز شریف نے معاون خصوصی ثانیہ عاشق اور ان کی پوری ٹیم کی شاندار کارکردگی پر خراج تحسین پیش کیا۔ یہ اقدامات پنجاب میں خصوصی تعلیم کے شعبے میں ایک نئے دور کا آغاز ثابت ہوں گے۔
