کراچی(ایچ آراین ڈبلیو)سچل کے علاقے بلاول شاہ نورانی گوٹھ میں گھر سے لاش ملنے کا معاملہ،کچی آبادی میں واقع کچہ پکا 2 منزلہ مکان میں داخلی راستہ ایک ہے-گروانڈ پر میاں بیوی اور بالائی منزل پر مقتول کرائے پر رہائش پزیر تھے-صبح سویرے مالک مکان نے اطلاع دی کہ گھر کا مرکزی دروازہ کھلا ہے-
پولیس پہنچی توگراونڈ پر رہائش پزیر میاں بیوی غائب تھے-بالائی منزل کے کمرے میں مقتول کی لاش پڑی تھی-مقتول کا سر پتھر سے کچلا ہوا،ہاتھ پاوں بندھے ہوئے تھے-مقتول کی لاش کو تحویل میں لے کر اسپتال منتقل کیا گیا-کرائم سین یونٹ کی ٹیم نے جائے وقوعہ سے شواہد جمع کر لئے-
مقتول شکل و صورت سے سرائیکی یا سندھی معلوم دیتا ہے-مقتول کی شناخت اور ورثاء کی تلاش کے لئے کوشش جاری ہے-مقتول کے قتل میں فرار میاں بیوی کے ملوث ہونے کا شبہ ہے-فرار میاں بیوی کے پکڑے جانے کے بعد قتل کی وجوہات سامنے آئیں گی-ابتدائی طور پر واقعہ ناجائز تعلقات کا شاخسانہ معلوم دیتا ہے-
