اسلام آباد(ایچ آراین ڈبلیو)کشتی حادثات میں ملوث اورریڈ بک کےانتہائی مطلوب انسانی سمگلرعمران ٹونی مصر سے گرفتارہوگیا-ایف آئی اے گجرانوالہ زون کی بڑی کاروائی کی گئی- کشتی حادثات میں ملوث انتہائی مطلوب انسانی سمگلر انٹرپول کی معاونت سے مصر سے گرفتار کرلیا گیا-گرفتار ملزم کی شناخت عمران عرف ٹونی کے نام سے ہوئی ہے-
ملزم کو انٹرپول کی مدد سے مصر سے گرفتار کیا گیا-ملزم یونان کشتی حادثہ 2023 کا مرکزی ملزم ہے- ملزم کو مصر سے گرفتار کر کے ضروری قانونی کاروائی کے بعد ایف آئی اے گجرانوالہ زون منتقل کر دیا گیا۔عمران عرف ٹونی انسانی سمگلنگ میں ملوث بین الاقوامی نیٹ ورک کا حصہ ہے-ایف آئی اے این سی بی انٹرپول نے گجرانوالہ زون کی درخواست پر ملزم کی گرفتاری کے لئے ریڈ نوٹسسز جاری کیا تھا۔ملزم سال 2012 سے لیبیا سے آپریٹ کر رہا تھا-ملزم غیر قانونی انسانی سمگلنگ کی سہولت کاری فراہم کرنے میں ملوث پایا گیا-ملزم سیف ہاؤسز کے نیٹ ورک کے ذریعے انسانی سمگلنگ کی سہولت کاری کرتا تھا-ملزم شہریوں کو سمندر کے راستے لیبیا سے یورپ بھجوانے میں ملوث ہے-
ملزم نے شہریوں کو غیر قانونی طور بیرون ملک بھجوانے کے لیے لاکھوں روپے ہتھیائے-ملزم کے خلاف غیر قانونی انسانی سمگلنگ کے جرم میں متعدد مقدمات درج ہیں-کشتی حادثات میں متعدد پاکستانی شہریوں کی موت واقع ہوئی-ملزم کی حوالگی انٹرپول اسلام آباد کی انٹرپول مصر کے ساتھ قریبی رابطہ کاری کی وجہ سے ممکن ہوئی-ملزم کو گرفتار کر کے تفتیش کا آغاز کر دیا گیا-ملزم کے نیٹ ورک میں شامل دیگر ساتھیوں کی گرفتاری کیلئے چھاپے مار کاروائیاں جاری ہیں-کشتی حادثات میں ملوث عناصر کے خلاف کریک ڈاون جاری ہے۔
