اسلام آباد(ایچ آراین ڈبلیو)عالمی مالیاتی ادارے بین الاقوامی مالیاتی فنڈ (آئی ایم ایف) کی شرائط پر عملدرآمد کرتے ہوئے فیڈرل بورڈ آف ریونیو (ایف بی آر) نے سرکاری افسران کے اثاثوں تک بینکوں کی رسائی سے متعلق اعداد و شمار جاری کرنے کا فیصلہ کر لیا ہے۔
ذرائع کے مطابق آئی ایم ایف بینچ مارک کی شق 38(ایف) کے تحت ایف بی آر کو جون 2026 تک اپنی سرکاری ویب سائٹ پر ان اعداد و شمار کی اشاعت لازم قرار دی گئی ہے۔ اس اقدام کا مقصد شفافیت کو فروغ دینا، مالی نگرانی کے نظام کو مضبوط بنانا اور ٹیکس انتظامیہ میں اصلاحات کو آگے بڑھانا ہے۔
حکام کا کہنا ہے کہ اس فیصلے سے مالیاتی نظم و ضبط بہتر ہوگا جبکہ سرکاری افسران کے اثاثوں کی جانچ پڑتال کے نظام میں بھی مزید بہتری آئے گی۔
