اسلام آباد(ایچ آراین ڈبلیو)بحرین نیشنل گارڈ کے سربراہ نے پاکستان ایئر فورس کے سربراہ سے ملاقات کی، جس میں باہمی دلچسپی کے امور، دفاعی تعاون اور عسکری روابط کو مزید مضبوط بنانے پر تفصیلی تبادلۂ خیال کیا گیا۔
ملاقات کے دوران دونوں ممالک کے درمیان دفاعی شراکت داری، پیشہ ورانہ تعاون اور تجربات کے تبادلے کو فروغ دینے پر اتفاق کیا گیا۔ فریقین نے خطے میں امن، سلامتی اور استحکام کے لیے مشترکہ کوششیں جاری رکھنے کے عزم کا بھی اعادہ کیا۔
حکام کے مطابق اس ملاقات کو پاکستان اور بحرین کے درمیان مضبوط ہوتے عسکری تعلقات کی ایک اہم کڑی قرار دیا جا رہا ہے، جو دونوں برادر ممالک کے دیرینہ دوستانہ روابط کو مزید مستحکم کرنے میں معاون ثابت ہوگی۔
