کراچی(ایچ آراین ڈبلیو)سابق صدر مملکت Arif Alvi اور ان کے اہل خانہ کے بینک اکاؤنٹس منجمد کرنے سے متعلق کیس کی سماعت کے دوران عدالت نے انکوائری مکمل نہ ہونے پر برہمی کا اظہار کیا ہے۔
سماعت کے دوران عدالت نے تفتیشی افسر سے استفسار کیا کہ کون سی ٹرانزیکشن پکڑی گئی ہے اور اب تک کیا شواہد حاصل کیے گئے ہیں۔
عدالت نے مزید کہا کہ اگر سابق صدر کو آئینی استثنیٰ حاصل ہے تو پھر ان کے خلاف انکوائری کیوں جاری ہے، جس پر وضاحت طلب کر لی گئی۔
عدالت نے ڈائریکٹر جنرل National Cyber Crime Investigation Agency (NCCIA) کو آئندہ سماعت پر طلب کر لیا ہے اور کیس کی مزید سماعت 28 تاریخ تک ملتوی کر دی گئی ہے۔
درخواست گزار کے وکیل نے مؤقف اختیار کیا کہ ڈاکٹر عارف علوی کے کلینک سے حاصل ہونے والی آمدنی ان کے اکاؤنٹ میں آتی ہے، تاہم منجمد اکاؤنٹس کی وجہ سے وہ اس رقم کو استعمال نہیں کر سکتے۔
وکیل کے مطابق خاندان کے چھ اکاؤنٹس بند کیے گئے ہیں، جس کے باعث روزمرہ اخراجات کے لیے بھی رقم نکالنا مشکل ہو گیا ہے۔
