کراچی (ایچ آراین ڈبلیو) رکن **سندھ اسمبلی سجاد علی سومرو** نے پاکستان تحریک انصاف کے **ہول فاؤنڈیشن کے پروگرام** میں **لیاری کی مختلف کمیونٹیز کے صدور، جنرل سیکریٹریز اور ممبران** سے خطاب کرتے ہوئے کہا کہ **ہماری بہنیں اور بیٹیاں ہماری ذمہ داری ہیں**۔
انہوں نے کہا کہ **جلد بازی میں شادی کرانا لڑکیوں کی زندگی کے لیے خطرناک ثابت ہو سکتا ہے** اور بعض اوقات شادی کے بعد لڑکیوں کی زندگی تباہ ہو جاتی ہے، جس پر ہم بے بس رہ جاتے ہیں۔
سجاد علی سومرو نے والدین کے انتقال کے بعد **بہنوں کے حقوق کو بھائیوں کی ذمہ داری** قرار دیتے ہوئے کہا کہ بھائیوں پر فرض ہے کہ وہ **اپنی بہنوں اور بیٹیوں کے حقوق کا تحفظ کریں**۔ انہوں نے والدین اور بھائیوں سے اپیل کی کہ جب کسی لڑکی کے لیے رشتہ آتا ہے تو **جلدی میں فیصلہ نہ کریں، لڑکے کی مکمل معلومات، دوستوں اور معاشرتی اثرات کا جائزہ لیں، اور ماحول کی جانچ کریں** تاکہ کسی بھی نقصان سے بچا جا سکے۔
انہوں نے زور دیا کہ **اللہ کے سامنے صرف نماز، روزہ اور زکات کا حساب نہیں، بلکہ بہنوں، بیویوں اور بیٹیوں کے حقوق کا بھی حساب دینا ہوگا**۔ سجاد علی سومرو نے کمیونٹی لیڈرز، صدور اور جنرل سیکریٹریز سے کہا کہ وہ **اپنی ذمہ داریاں سنجیدگی سے اٹھائیں** اور لڑکیوں کے حقوق کے تحفظ کے لیے آگاہی اور نگرانی کو یقینی بنائیں۔
