کراچی(ایچ آراین ڈبلیو) عالمی مارکیٹ میں سونے اور چاندی کی قیمتوں میں مسلسل اضافہ جاری ہے۔ آج فی تولہ سونے کی قیمت 2 ہزار 700 روپے کے اضافے کے بعد 4 لاکھ 53 ہزار 562 روپے تک جا پہنچی، جبکہ دس گرام سونے کی قیمت 2 ہزار 315 روپے کے اضافے سے 3 لاکھ 88 ہزار 856 روپے ہوگئی۔
یاد رہے کہ گزشتہ منگل کو سونے کی فی تولہ قیمت 500 روپے اضافے کے بعد 4 لاکھ 43 ہزار 562 روپے تھی۔
دریں اثنا، چاندی کی قیمت میں بھی تاریخی اضافہ ریکارڈ کیا گیا اور فی تولہ چاندی 290 روپے اضافے کے بعد پہلی بار 6 ہزار 822 روپے تک پہنچ گئی، جو ملکی تاریخ کی بلند ترین سطح ہے۔
