اسلام آباد (ایچ آراین ڈبلیو) فیڈرل بورڈ آف ریونیو (ایف بی آر) نے وفاقی دارالحکومت میں جائیدادوں کی نئی قیمتوں کا نوٹیفکیشن جاری کر دیا ہے، جس کے بعد اسلام آباد کے مختلف علاقوں، خصوصاً پوش سیکٹرز میں ویلیوایشن ریٹس میں نمایاں اضافہ ریکارڈ کیا گیا ہے۔
ایف بی آر کی جانب سے رہائشی، کمرشل اور دیہی علاقوں کے لیے 68 مقامات کی نئی قیمتیں مقرر کی گئی ہیں۔ نئے نوٹیفکیشن کے مطابق اسلام آباد کے نئے ہاؤسنگ پروجیکٹس اور ہائی ویلیو سیکٹرز جیسے ای-7، ایف-7، ایف-6 اور ایف-8 میں زمینوں کی قیمتوں میں نمایاں اضافہ ہوا ہے۔
اسی نظرِ ثانی کے تحت کچھ علاقوں میں املاک کی قیمتوں میں کمی بھی کی گئی ہے۔
ایف بی آر کے جاری کردہ ایس آر او کے مطابق غیر منقولہ جائیدادوں کی نئی “منصفانہ مارکیٹ ویلیو” مقرر کر دی گئی ہے۔
نئے ریٹس کے مطابق:
* ایسی رہائشی و کمرشل عمارتیں جن کا اسٹرکچر **پانچ سال یا اس سے کم پرانا ہو**، ان کی مالیت **4000 روپے فی مربع فٹ** مقرر کی گئی ہے۔
* جبکہ **پانچ سال سے زائد پرانی عمارتوں** کی ویلیو **3000 روپے فی مربع فٹ** رکھی گئی ہے۔
