کراچی(ایچ آراین ڈبلیو) ڈپٹی میئر کراچی سلمان عبداللہ مراد نے پنجاب حکومت کی وزیر اطلاعات عظمیٰ بخاری کے بیان کو “سیاسی مایوسی کا مظہر” قرار دیتے ہوئے سخت ردعمل کا اظہار کیا ہے۔
انہوں نے اپنے بیان میں کہا، “عظمیٰ بخاری اپنے صوبے کی ناکامیوں پر پردہ ڈالنے کے لیے بلاول بھٹو زرداری پر غیر معقول تنقید کر رہی ہیں۔ یہ ان کی سیاسی تربیت کا اظہار ہے کہ وہ عصبیت اور لسانیت کو ہوا دے رہی ہیں۔”
ڈپٹی میئر نے زور دے کر کہا کہ سندھ حکومت نے ہمیشہ عوامی خدمت کو ترجیح دی ہے اور عوام پیپلز پارٹی کی کارکردگی سے مطمئن ہیں۔ انہوں نے کہا، “ہم عملی کام پر یقین رکھتے ہیں، محض بیانات پر نہیں۔”
سلمان عبداللہ مراد نے بلاول بھٹو زرداری کے لیے تعریفی کلمات کہتے ہوئے نشاندہی کی کہ انہوں نے ملک بھر کے نوجوانوں کو سیاسی شعور دیا ہے اور سیلاب زدگان کے مسائل حل کرنے کی سنجیدہ کوششیں کی ہیں۔
انہوں نے اختتام پر پرامن پیغام دیتے ہوئے کہا، “عظمیٰ بخاری کو نفرت نہیں، بلکہ احترام اور اتفاق کی سیاست کرنی چاہیے۔
