لندن(ایچ آراین دبلیو)وفاقی وزیر دفاع خواجہ آصف نے ایک نجی ٹی وی چینل سے گفتگو کے دوران پاکستان اور سعودی عرب کے درمیان ہونے والے دفاعی معاہدے کی اہم تفصیلات شیئر کیں۔ انہوں نے کہا کہ معاہدے میں تمام ضروری دفاعی شقیں شامل ہیں، اور اگر مستقبل میں بھارت کی جانب سے کوئی جارحیت ہوئی تو سعودی عرب پاکستان کے ساتھ کھڑا ہوگا۔
خواجہ آصف نے زور دیا کہ اس معاہدے سے سعودی عرب کا مغربی ممالک پر انحصار کم ہوگا، جبکہ دونوں ممالک اقتصادی میدان میں بھی ایک دوسرے کی معاونت کریں گے۔ انہوں نے اس بات پر روشنی ڈالی کہ یہ معاہدہ نہ صرف دونوں ممالک کی سلامتی کو مضبوط بنائے گا بلکہ خطے میں استحکام کا بھی ضامن ہوگا۔
یہ بیان ایسے وقت میں سامنے آیا ہے جب خطے میں سیاسی اور فوجی تناؤ کے درمیان پاکستان اپنے اتحادی ممالک کے ساتھ تعلقات کو مزید مستحکم بنا رہا ہے۔
