پشاور (ایچ آر این ڈبلیو): خیبر پختونخوا حکومت نے سرکاری ملازمتوں میں اقلیتی برادریوں کے لیے مخصوص پانچ فیصد کوٹے کی سختی سے عملدرآمد کا فیصلہ کیا ہے۔ صوبے کے چیف سیکرٹری شہاب علی شاہ نے تمام صوبائی، ضلعی اور تحصیل لیول کے محکموں کو اس سلسلے میں فوری اور مؤثر اقدامات کرنے کی ہدایت جاری کردی۔
محکمہ اوقاف کی درخواست پر دہشت گردی سے متاثرہ اقلیتی خاندانوں کی راحت کے لیے بھی ایک ریلیف پیکیج تیار کیا جا رہا ہے، جس پر وزیر اعلیٰ کی زیرصدارت ہونے والے ایک اعلیٰ سطحی اجلاس میں حتمی فیصلہ کیا جائے گا۔
یہ اقدام صوبے میں اقلیتوں کے حقوق کے تحفظ اور انھیں معاشرے کی دھارا میں شامل کرنے کی سمت میں ایک اہم قدم تصور کیا جا رہا ہے۔
