جلال پور پیروالہ (ایچ آراین ڈبلیو) آرمی چیف جنرل سید عاصم منیر نے قصور اور ملتان کی تحصیل جلال پور پیروالہ کے سیلاب متاثرہ علاقوں کا دورہ کیا۔ اس موقع پر انہوں نے زور دے کر کہا کہ “ریاست ہر سال قیمتی جانوں اور املاک کے نقصان کی متحمل نہیں ہو سکتی۔ اچھا طرز حکمرانی ہی ایسی آفات کے اثرات کو کم کر سکتا ہے۔”
آئی ایس پی آر کے مطابق، آرمی چیف نے متاثرہ خاندانوں سے بات چیت کی اور ریلیف آپریشنز کا جائزہ لیا۔ انہوں نے کہا کہ “فوج ہمیشہ عوام کے ساتھ کھڑی ہے، لیکن مستقل حل کے لیے موثر حکمرانی اور منصوبہ بندی ضروری ہے۔”
انہوں نے ہدایت کی کہ فوجی ادارے مقامی انتظامیہ کے ساتھ مل کر کام کریں اور متاثرین کو فوری امداد فراہم کریں۔ اس دوران سیلاب سے بچاؤ کے انتظامات پر بھی تبادلہ خیال کیا گیا۔
————————————–
ایچ آراین ڈبلیو کی اپیل:
ہم عوام تک غیر جانبدار اور سچی خبریں پہنچانے کے لیے پرعزم ہیں۔ اگر آپ بھی معیاری صحافت کو فروغ دینا چاہتے ہیں، تو براہ کرم ہمارے ساتھ جڑیں۔ آپ کا عطیہ ہمیں حقائق کی روشنی پھیلانے میں مدد دے گا۔
سچائی کی تحریک میں شامل ہوں۔ عطیہ دیں۔
ویب سائٹ:hrnww.com/donate
