لاہور(ایچ آر این ڈبلیو)سیلاب کی دوسری لہر پنجاب اور سندھ کی سرحدی پٹی پر پہنچ چکی ہے جس نے دریائی علاقوں میں تباہی پھیلا دی ہے۔ دریائے چناب میں طغیانی کے باعث 138 بستیاں زیر آب آ چکی ہیں، جبکہ متعدد دیہات کا زمینی رابطہ منقطع ہو گیا ہے۔
منچن آباد کے نواحی علاقے لالیکا میں کشتی الٹنے سے دو نوجوانوں کی لاشیں برآمد ہوئی ہیں۔ شجاع آباد اور دھوندو کے حفاظتی بند ٹوٹنے سے صورتحال مزید سنگین ہو گئی ہے۔ دریائی پٹی کے کچے علاقوں میں گنے، کپاس، چاول اور سبزیوں کی فصلیں مکمل طور پر تباہ ہو چکی ہیں۔
مظفرگڑھ کی تحصیل علی پور کے علاقے خیر سادات میں سیلابی پانی پر کٹ لگانے پر جھگڑا ہو گیا جس میں دونوں فریقوں نے ڈنڈوں کا استعمال کیا۔ بہاولنگر کے موضع جات سنتیکا، یاسین کا اور عاکوکا ہٹھاڑ کا زمینی رابطہ منقطع ہو گیا ہے۔
ایک المناک واقعے میں، دریا چناب کے حفاظتی بند میں 80 فٹ چوڑا شگاف پڑنے سے تین مزدور پانی میں بہہ گئے۔ ریسکیو ٹیم دو کو بچانے میں کامیاب رہی جبکہ ایک کی تلاش جاری ہے۔ متاثرہ علاقوں سے لوگوں کی نقل مکانی کا سلسلہ جاری ہے۔
————————————————
ایچ آر این ڈبلیو کی اپیل:
ہم عوام تک غیر جانبدار اور سچی خبریں پہنچانے کے لیے پرعزم ہیں۔ اگر آپ بھی معیاری صحافت کو فروغ دینا چاہتے ہیں، تو براہ کرم ہمارے ساتھ جڑیں۔ آپ کا عطیہ ہمیں حقائق کی روشنی پھیلانے میں مدد دے گا۔
سچائی کی تحریک میں شامل ہوں۔ عطیہ دیں۔
ویب سائٹ:hrnww.com/donate
