لاہور(ایچ آراین ڈبلیو)چیف جسٹس لاہور ہائیکورٹ جسٹس عالیہ نیلم کا لاہور ہائیکورٹ کی 150 سالہ تاریخ میں پہلی بار سرکاری اخراجات میں نمایاں کمی کا تاریخی فیصلہ-گریڈ20 اور21 کے افسران سے سرکاری گاڑیاں واپس لے لی جائیں گی-ان کی جگہ انہیں پٹرول اور مرمت کے لیے ماہانہ فکس الاؤنس دیا جائے گا-
گریڈ 20 کے افسران کو ماہانہ 65960 روپے، گریڈ 21 کے افسران کو ماہانہ 77430 روپے پٹرول اور گاڑیوں کی مرمت کے مد میں دیئے جائیں گے-گریڈ 19 کے افسران کے لیے الاؤنس سے متعلق فیصلہ فنانس ڈیپارٹمنٹ کی مشاورت سے کیا جائے گا-اس اقدام سے ہر ماہ لاکھوں روپے کی بچت ممکن ہوگی، جو پہلے سرکاری گاڑیوں کے ایندھن اور مرمت پر خرچ ہو رہے تھے-
