**کراچی (ایچ آراین ڈبلیو)** – سندھ تاجر الائنس کے سرپرستِ اعلیٰ **عتیق میر** اور چیئرمین **شریف میمن** کی قیادت میں تاجروں کے ایک نمائندہ وفد نے **ڈی آئی جی ٹریفک کراچی پیر محمد شاہ** سے ان کے دفتر میں ملاقات کی۔
ملاقات کے دوران کراچی کے تاجروں کو درپیش مختلف ٹریفک مسائل، جن میں **غیر قانونی پارکنگ، تجاوزات، ٹریفک کی روانی، ایم اے جناح روڈ، ٹاور، لیاقت آباد اور دیگر اہم تجارتی علاقوں کے مسائل** شامل تھے، پر تفصیلی تبادلہ خیال کیا گیا۔
تاجر وفد نے درپیش مشکلات کی نشاندہی کرتے ہوئے ان کے فوری اور مؤثر حل کے لیے اقدامات کا مطالبہ کیا۔
ڈی آئی جی ٹریفک کراچی **پیر محمد شاہ** نے وفد کو یقین دہانی کرائی کہ تاجروں کے مسائل کو ترجیحی بنیادوں پر حل کیا جائے گا۔ ملاقات میں ٹریفک پولیس اور سندھ تاجر الائنس کے درمیان مستقل رابطے کے لیے **مشترکہ کوآرڈینیشن کمیٹی کے قیام** پر اتفاق کیا گیا۔
اس کے علاوہ فوری رابطے، شکایات کے اندراج، تجاویز اور مشاورت کے لیے **مشترکہ واٹس ایپ گروپ بنانے** کا فیصلہ بھی کیا گیا تاکہ باہمی تعاون کے ذریعے مسائل کا بروقت حل یقینی بنایا جا سکے۔
اجلاس میں اس بات پر اتفاق کیا گیا کہ **ایم اے جناح روڈ، ٹاور، لیاقت آباد اور دیگر تجارتی علاقوں** میں ٹریفک کی روانی بہتر بنانے، ناجائز پارکنگ کے خاتمے، تجاوزات کے سدباب اور ٹریفک نظام کو مؤثر بنانے کے لیے مشترکہ اقدامات کیے جائیں گے۔
ملاقات میں ٹریفک پولیس اہلکاروں سے متعلق شکایات کے ازالے کے لیے **شکایتی سیل کے قیام** پر بھی اصولی اتفاق کیا گیا، تاکہ تاجروں کی شکایات کا فوری اور شفاف حل ممکن بنایا جا سکے۔
سندھ تاجر الائنس کے وفد نے اس پیش رفت کو خوش آئند قرار دیتے ہوئے امید ظاہر کی کہ ٹریفک پولیس اور تاجر برادری کے درمیان بہتر رابطہ کاری سے کراچی کے تاجروں کو درپیش مسائل میں کمی آئے گی اور شہر میں ٹریفک کے نظام میں بہتری آئے گی۔
ملاقات میں سندھ تاجر الائنس کے دیگر عہدیداران اور نمائندگان بھی شریک تھے، جن میں **عبدالرحمان خان، اسلم خان، شکیل میمن، عبدالرحمان جعفرانی، حسین قریشی، یاسین قریشی، اویس نواز، عامر گل، محسن میمن، بلال میمن، ندیم میمن، جمیل شیخ، عبید خان، مبین خان، عبدالقادر میمن، کمال بھائی اور شیراز علی** شامل تھے۔
ٹریفک پولیس کی جانب سے **ڈی ایس پی کاشف ندیم (ٹریفک سیکیورٹی اینڈ آپریشن)، ڈی ایس پی کاشف خان، انسپکٹر سہیل خان** اور دیگر افسران بھی موجود تھے۔
—
🤝 **دنیا کی نمبر 1 ہیومن رائٹس نیوز ایجنسی HRNW کو سپورٹ کریں**
👉 [https://www.hrnww.com/?page_id=1083](https://www.hrnww.com/?page_id=1083)
—
⚠️ **ڈسکلیمر**
یہ خبر سندھ تاجر الائنس اور متعلقہ حکام کی جانب سے فراہم کردہ معلومات پر مبنی ہے۔ HRNW (hrnww.com) اس خبر میں شامل تمام دعوؤں یا بیانات کی آزادانہ تصدیق نہیں کرتا۔ یہ معلومات صرف عوامی آگاہی اور معلومات کی فراہمی کے مقصد سے شائع کی جا رہی ہیں۔
