کراچی(ایچ آراین ڈبلیو)اسٹیٹ بینک آف پاکستان (SBP) نے عید الاضحیٰ 2025 کے دوران ڈیجیٹل ادائیگیوں کو فروغ دینے کے لیے کراچی کی چھ بڑی مویشی منڈیوں میں کیش لیس ادائیگی کی سہولت متعارف کرائی ہے۔
گزشتہ روزشروع کی گئی اسٹیٹ بینک کی “گو کیش لیس” مہم 6 جون تک جاری رہے گی، جس کا مقصد مویشیوں کے لین دین میں نقد رقم پر انحصار کو کم کرنا ہے۔
یہ اقدام ملک بھر میں ڈیجیٹل مالیاتی شمولیت کو وسعت دینے کے اسٹیٹ بینک کے وسیع تر منصوبے کا حصہ ہے۔
یہ مہم کراچی سمیت پاکستان کے 22 اضلاع کی 54 مویشی منڈیوں میں چلائی جا رہی ہے اور اسے پارٹنر بینکوں کی مدد حاصل ہے۔
