**کراچی (ایچ آراین ڈبلیو)** – انسپکٹر جنرل آف پولیس سندھ **جاوید عالم اوڈھو** نے کراچی سے لاہور جانے والے **7 کروڑ روپے مالیت کے درآمدی کپڑے** سے بھرے مال بردار ٹرالر کی کامیاب برآمدگی پر **ایس ایس پی خیرپور امیر سعود مگسی** اور ان کی ٹیم کو شاباش دیتے ہوئے **تعریفی اسناد اور ایک بنیادی تنخواہ کے مساوی نقد انعام** دینے کا اعلان کیا ہے۔
سندھ پولیس کے مطابق خیرپور پولیس نے **ببرلو کے قریب چھینے گئے ٹرالر اور اس میں موجود مکمل مسروقہ سامان** کو چند روز کے اندر برآمد کرکے اصل مالکان کے حوالے کر دیا۔
ٹرالر مالکان نے کامیاب کارروائی پر **آئی جی سندھ، ایس ایس پی خیرپور اور سندھ پولیس** کا شکریہ ادا کرتے ہوئے پولیس کی پیشہ ورانہ کارکردگی کو سراہا۔
پولیس کے مطابق ٹرالر اور مسروقہ سامان کا سراغ **جدید ٹیکنالوجی، انٹیلی جنس ورک اور سی سی ٹی وی کیمروں** کی مدد سے لگایا گیا۔
اس موقع پر **کمیونٹی پولیسنگ کراچی** کے چیئرمین **مراد سونی**، **گوہر گروپ آف کمپنیز** کے چیئرمین **محمد حنیف گوہر**، **سلمان سورتی** اور **راحیل فستانی** نے آئی جی سندھ سے ملاقات کی۔
اعلامیے کے مطابق **سلمان سورتی** نے کامیاب کارروائی پر ایس ایس پی خیرپور کو نقد انعام بھی پیش کیا۔
مراد سونی نے کہا کہ اس کامیاب کارروائی سے سندھ پولیس پر پوری تاجر برادری کا اعتماد مزید مضبوط ہوا ہے، جبکہ وفد نے یقین دہانی کرائی کہ تاجر برادری مستقبل میں بھی سندھ پولیس کے ساتھ تعاون جاری رکھے گی۔
آئی جی سندھ جاوید عالم اوڈھو نے کہا کہ عوام کے قیمتی مال کی بحفاظت برآمدگی اور مقدمے میں فوری پیش رفت پر **ایس ایس پی خیرپور، ایس ایچ او ببرلو، تفتیشی ٹیم اور کارروائی میں شریک تمام افسران و اہلکار مبارکباد کے مستحق ہیں۔**
انہوں نے مزید کہا کہ **صوبے کی شاہراہوں کو محفوظ بنانا سندھ پولیس کی اولین ترجیح ہے** اور کسی کو بھی امن و امان خراب کرنے کی اجازت نہیں دی جائے گی۔
آئی جی سندھ نے اس عزم کا اعادہ کیا کہ واردات میں ملوث تمام ملزمان کو جلد گرفتار کرکے قانون کے کٹہرے میں لایا جائے گا، جبکہ جرائم پیشہ عناصر کے خلاف بلاامتیاز کارروائیاں جاری رہیں گی۔
🤝 **دنیا کی نمبر 1 ہیومن رائٹس نیوز ایجنسی HRNW کو سپورٹ کریں**
👉 [https://www.hrnww.com/?page_id=1083](https://www.hrnww.com/?page_id=1083)
⚠️ **اہم ہدایت (Important Note)**
یہ خبر سندھ پولیس کی جانب سے جاری کردہ سرکاری اعلامیے پر مبنی ہے۔ HRNW (hrnww.com) پولیس کے دعوؤں یا کارروائی کی تفصیلات کی آزادانہ تصدیق نہیں کرتا۔ مقدمے سے متعلق قانونی کارروائی اور ملزمان کی ذمہ داری کا حتمی تعین عدالت کرے گی۔
