**کراچی (ایچ آراین ڈبلیو)** کراچی بار ایسوسی ایشن کے سالانہ انتخابات کے سلسلے میں انتخابی مہم تیز ہوگئی ہے، جہاں جنرل سیکریٹری کے عہدے کے لیے مضبوط امیدوار عمران عزیز نے وکلاء کی فلاح و بہبود اور بار کی بہتری کے لیے اپنی کوششیں تیز کر دی ہیں۔ عمران عزیز نے اپنی مہم کے دوران اس عزم کا اعادہ کیا ہے کہ وہ وکلاء برادری کو درپیش مسائل کے حل، نوجوان وکلاء کی پیشہ ورانہ تربیت اور عدالتوں میں کام کرنے والے ساتھیوں کے لیے سازگار ماحول کی فراہمی کو اپنی اولین ترجیح رکھیں گے۔
7 مئی بروزِ جمعرات کو ہونے والے ان انتخابات کے لیے عمران عزیز کو وکلاء کے مختلف حلقوں کی جانب سے بھرپور حمایت حاصل ہو رہی ہے، جو انہیں بار کے انتظامی ڈھانچے کی بہتری اور وکلاء کے حقوق کے تحفظ کے لیے ایک موثر آواز تصور کرتے ہیں۔ ان کا کہنا ہے کہ وہ بار ایسوسی ایشن کو ایک فعال اور مضبوط ادارہ بنانے کے لیے پرعزم ہیں جہاں ہر وکیل کے مسائل کو ترجیحی بنیادوں پر سنا اور حل کیا جائے گا۔ وکلاء برادری کی جانب سے عمران عزیز کی خدمات کو سراہتے ہوئے امید ظاہر کی جا رہی ہے کہ ان کی قیادت بار کے وقار میں اضافے کا باعث بنے گی۔
انسانی حقوق اور عوامی شعور کی بیداری کے لیے ہمارے مشن کا حصہ بنیں۔ آپ کے تعاون سے ہم مظلوموں کی آواز بن سکتے ہیں۔ براہ کرم اس لنک کے ذریعے اپنی عطیات جمع کروائیں: [hrnww.com/support](https://hrnww.com/support)
