**انقرہ، ترکیہ (ایچ آراین ڈبلیو)** — ایران نے ترکیہ کے ایک بحری جہاز کو اہم عالمی گزرگاہ آبنائے ہُرمُز سے گزرنے کی اجازت دے دی ہے، جس کے بعد مذکورہ جہاز بحفاظت آبنائے ہرمز عبور کر چکا ہے۔
ترکیہ کے وزیرِ ٹرانسپورٹ عبدالقادر اورال اوغلو نے بتایا کہ اس وقت ترکیہ کے **15 بحری جہاز خطے میں موجود** ہیں جو مختلف تجارتی اور نقل و حمل کے مقاصد کے لیے سرگرم ہیں۔
ان کے مطابق ایران نے ان جہازوں میں سے **ایک بحری جہاز کو آبنائے ہرمز سے گزرنے کی اجازت** دی، جس کے بعد وہ جہاز کامیابی کے ساتھ اس اہم سمندری راستے کو عبور کر گیا۔
واضح رہے کہ آبنائے ہرمز دنیا کی اہم ترین بحری گزرگاہوں میں شمار ہوتی ہے جہاں سے عالمی تجارت اور توانائی کی ترسیل کا بڑا حصہ گزرتا ہے، اور خطے میں بڑھتی ہوئی کشیدگی کے باعث اس راستے کی صورتحال عالمی سطح پر گہری نظر میں رکھی جا رہی ہے۔
—
**آزاد اور ذمہ دار صحافت کے فروغ کے لیے (HRNW) کی معاونت کریں:**
**[https://hrnww.com/support-us]
