**کراچی (ایچ آر این ڈبلیو)** – **محمد فاروق** نے سندھ اسمبلی میں ایران پر امریکی اور اسرائیلی حملوں کے خلاف ایک قرارداد جمع کرائی ہے۔
قرارداد میں کہا گیا ہے کہ ایران کے سپریم کمانڈر **آیت اللہ علی خامنہ ای** کی شہادت کی شدید مذمت کی جاتی ہے۔ قرارداد میں مزید موقف اختیار کیا گیا کہ امریکہ اور اسرائیل عالمی امن کے لیے سب سے بڑا خطرہ ہیں۔
محمد فاروق نے کہا کہ ایران میں اسکولوں، اسپتالوں اور رہائشی علاقوں پر بمباری انسانی حقوق کی کھلی خلاف ورزی ہے اور بچوں و طالبات سمیت ہزاروں بے گناہ شہری قتل ہوئے ہیں۔ انہوں نے اسرائیل کو ایک غاصب اور ناجائز ریاست قرار دیا۔
قرارداد میں یہ بھی زور دیا گیا کہ کسی بھی ملک کے اندرونی معاملات میں مداخلت اقوام متحدہ کے چارٹر کی خلاف ورزی ہے اور عالمی قوانین کے مطابق جنگ میں کسی ملک کے سربراہ کو نشانہ بنانا ممنوع ہے۔
محمد فاروق نے اقوام متحدہ سے مطالبہ کیا کہ وہ عالمی قوانین کی پاسداری کرتے ہوئے فوری طور پر جنگ بند کروائے۔
—
💬 **آزاد صحافت کی حمایت کریں:**
مستند قومی و بین الاقوامی خبریں حاصل کرنے کے لیے ہمارا ساتھ دیں۔
👉 [HRNW کی مدد کریں](https://hrnww.com/support-us)
