جھارکھنڈ (ایچ آراین ڈبلیو) بھارت میں منشیات اسمگلنگ کے ایک مقدمے نے غیر معمولی صورتحال اختیار کر لی، جب عدالت کو بتایا گیا کہ ضبط شدہ بھاری مقدار میں چرس **گودام میں موجود چوہوں نے کھا گئی**۔
بھارتی میڈیا رپورٹس کے مطابق یہ کیس ریاست **جھارکھنڈ** میں درج کیا گیا تھا، جہاں پولیس نے 2022 میں قومی شاہراہ پر ایک گاڑی کو روک کر اس میں چھپائی گئی بڑی مقدار میں چرس برآمد کرنے کا دعویٰ کیا تھا۔ پولیس کے مطابق ضبط شدہ منشیات کا وزن تقریباً **200 کلوگرام** تھا، جس کی مالیت کروڑوں روپے بتائی گئی تھی۔
تاہم عدالتی کارروائی کے دوران پولیس حکام نے موقف اختیار کیا کہ چرس کو گودام میں رکھا گیا تھا، جہاں مبینہ طور پر چوہوں نے اسے کھا لیا، جس کی وجہ سے **ثبوت پیش کرنا ممکن نہیں رہا**۔
عدالت نے اس وضاحت کو ناقابل قبول قرار دیتے ہوئے کہا کہ بغیر شواہد کسی ملزم کو سزا دینا قانون کے منافی ہے۔ جج نے واضح کیا کہ اتنی بڑی مقدار میں منشیات کی حفاظت میں ناکامی کی ذمہ داری متعلقہ اداروں پر عائد ہوتی ہے، جس کے بعد **ملزم کو بری کر دیا گیا**۔
اس فیصلے کے بعد بھارتی پولیس شدید تنقید کی زد میں ہے، جبکہ ماہرین اسے قانون نافذ کرنے والے اداروں کے لیے **سنگین سوالیہ نشان** قرار دے رہے ہیں۔
