کراچی (ایچ آر این ڈبلیو) – وزیراعلیٰ سندھ **سید مراد علی شاہ** نے بریل کے عالمی دن کے موقع پر بصارت سے محروم افراد کے لیے خصوصی پیغام جاری کیا۔ انہوں نے کہا کہ بریل بصارت سے محروم افراد کے لیے علم اور خودمختاری کی کنجی ہے اور یہ صرف ایک رسم الخط نہیں بلکہ خوداعتمادی اور خودمختاری کی زبان بھی ہے۔
وزیراعلیٰ سندھ نے کہا کہ حکومت کی ترجیح بصارت سے محروم افراد کو تعلیم اور مساوی مواقع فراہم کرنا ہے، اور انہوں نے بریل کے فروغ اور خصوصی افراد کی فلاح و بہبود کے لیے اپنے عزم کا اعادہ کیا۔ انہوں نے مزید کہا کہ بریل سے سیکھنے والے ہاتھ معاشرے کو روشن مستقبل فراہم کرتے ہیں اور بریل نے خاموشی کو آواز اور لمس کو علم میں بدلا ہے۔
سید مراد علی شاہ نے کہا کہ شمولیتی معاشرے کی تعمیر کے لیے بریل کی تعلیم ناگزیر ہے اور وہ بصارت سے محروم افراد کی صلاحیتوں پر مکمل اعتماد رکھتے ہیں۔
