کراچی (ایچ آراین ڈبلیو) – نیپا حادثے کے بعد متعلقہ افسران کو معطل کرنے کا سلسلہ شروع کر دیا گیا ہے۔ ذرائع کے مطابق، اسسٹنٹ کمشنر گلشن اقبال اور مختار کار گلشن اقبال کو فوری طور پر معطل کر دیا گیا ہے۔
مزید ذرائع کے مطابق، واٹر کارپوریشن کے ایکس سی این گلشن اقبال اور ایک سی این بی اینڈ آر گلشن اقبال کو بھی معطل کیا گیا ہے۔ اس کے علاوہ، ڈائریکٹر میونسپل سروسز کے ایم سی کو بھی عہدے سے ہٹایا گیا ہے۔
معطلی کا فیصلہ نیپا حادثے کے سلسلے میں ذمہ داری کے تعین اور تحقیقات کے دوران عمل میں لایا گیا ہے۔ حکام کا کہنا ہے کہ تحقیقات مکمل ہونے تک کسی بھی قسم کی غفلت یا انتظامی کوتاہی کو برداشت نہیں کیا جائے گا۔
