کراچی (ایچ آراین ڈبلیو) — کراچی والوں کے لیے ایک اور نئی مشکل سامنے آ گئی۔ ریڈ لائن بی آر ٹی منصوبے کے بعد اب **کراچی واٹر اینڈ سیوریج سسٹم امپروومنٹ پروجیکٹ (KWSSIP)** نے بھی یونیورسٹی روڈ پر ترقیاتی کام شروع کرنے کا اعلان کر دیا۔
حکام کے مطابق **نیپا چورنگی سے وفاقی اردو یونیورسٹی** تک سڑک **10 نومبر سے 30 دسمبر** تک بند رہے گی۔ روڈ کی بندش کی وجہ **کے فور منصوبے کے تحت پانی کی لائنیں بچھانا** بتائی گئی ہے۔
KWSSIP حکام کے مطابق کے فور منصوبے کے تحت **2.7 کلومیٹر** طویل نیٹ ورک بچھایا جا رہا ہے۔ **پہلے مرحلے** میں نیپا چورنگی سے اردو یونیورسٹی تک جبکہ **دوسرے مرحلے** میں **حسن اسکوائر سے نیپا چورنگی** تک کام مکمل کیا جائے گا۔
ترقیاتی سرگرمیوں کے دوران **96 انچ اور 72 انچ قطر کی لائنیں** ڈالی جائیں گی، اور منصوبے کی **ڈیڈ لائن 30 دسمبر** مقرر کی گئی ہے۔
حکام کا کہنا ہے کہ کام کے دوران ٹریفک کی روانی برقرار رکھنے کے لیے **متبادل راستے کے طور پر نیپا چورنگی سے الہ دین پارک** کی جانب ٹریفک موڑی جائے گی۔
شہریوں نے خدشہ ظاہر کیا ہے کہ یونیورسٹی روڈ کی بندش سے علاقے میں **شدید ٹریفک جام** کا سامنا کرنا پڑے گا، خصوصاً تعلیمی اوقات میں۔
